قصة فتاة يتيمة

قصة فتاة خانتها الايام
قصة حقيقية

بسم الله تنطرق لبواب
و على النبي صلوا ياحباب
و سمعو لي و فهمو يا حباب
قولي يفهمو كل مول عقلية
**********************
كان في زمان من ذاك الزمان
طفلة جميلة كي بدر الزمان
بها خلقها كي رسمة فنان
زانت الحي و غارت منها كل بنية

****************************************
زانها ربي بزين و جمال
وزينها بالعلم وزادها لكمال
مربية وواعية وتحمل زين الخصال
آه ياصاحبي ماريت كيفها في الدنيا

****************************************

بغاها كل شاب شافها في الحي
وقال لي قلبك ولغيري لا تفتحي
والحق ما طلت لحد لانها تستحيي
وداك اللي زاد لحطب للنار المقدية

***************************************

وجاء النهار الموعود
باهي زاهي مافيه قعود
الكل سعيد فرحان يبغي الخلود
وشابتنا بغات الموت قبل لا تجي المنية

****************************************

راحت تبكي وتنوح
كي الطير صاحب الجناح المجروح
وراح الحزن يملأ سماها ويلوح
سببها تسمعيه يا خية


****************************************

شافها ولد الجار قال اعجبتو
وقال هي ليه كيف قريبتو
و راح معاها من امكان لمكان اياك كي اختو
وراح يسمعها لكلام المعسول اللي تبغيه كل ابنية

**************************************بارك الله فيكم
مال ليه قلبها و بغاه
وقالت ليه ما نديه وعلاه
وما عرفت ان ابليس اغواه
وراحت مسكينة في شربة مية

***********************************
خرجو كي العادة في انهار مزيان
تجولو في الحقول ولعبو كي الصبيان
ونهار اللي عياو قعدو تحت شجرة رمان
ودات البنية نومة نامت هانية مهنية

********************************************

في ذات الحين طمع فيها ولد الجيران
وقال هادي فرصتك يازين الشبان
الطفلة نايمة في أمن و آمان
و غيركم ما كان في هاد الدنيا

******************************************